Tuis...
Wat is Prolingua...
Nuus...
Lidmaatskap...
Jaarprogram...
Termlys...
Woordeboeke...
Ander woordelyste...
Historiese oorsig
Grondwet
Kontak ons...

Nuus

Tweetalige regswoordeboek ontvang twee toekennings

Aan die einde van 2015 het ons berig oor die Sentrum vir Regsterminologie (SRTAT) in Afrikatale se Engels/Afrikaans - Afrikaans/Engelse verklarende regswoordeboek wat in 2015 verskyn het en waarvan een van ons lede, Mariëtta Alberts, 'n medeouteur was. Die titel van dié weergawe is: Legal Terminology: Criminal law, Procedure and Evidence/ Regsterminologie: Straf-, Strafproses- en Bewysreg (ISBN 9781485107163).

Die woordeboek bevat onder andere uitgebreide verduidelike aantekeninge, 'n insetsel van Latynse regsterme met kort Engelse en Afrikaanse beskrywings, asook 'n gedeelte oor die regsbetekenisse van hierdie terme, en die alfabetiese gedeelte wat 635 bladsye beslaan.

Die eerste toekenning wat die woordeboek op 1 Oktober 2015 ontvang het, was die Suid-Afrikaanse Vertalersinstituut (SAVI) se Woordeboekkategorie van die SAVI-Prys vir Uitstaande Vertaling en Woordeboeke. Die eindredaksie, prof. Giel Prinsloo, dr Mariëtta Alberts en prof. Nina Mollema het die prys by die Emperors Palace, Kempton Park, namens die lede van die Sentrum ontvang.

Die woordeboek is op 9 September 2016 'n tweede keer vereer toe die Woordwystoekenning van die Afrikaanse Taal- en Kultuurvereniging (ATKV) aan die regswoordeboek toegeken is as beste woordeboek van 2015. Mariëtta Alberts is deur SRTAT versoek om die ATKV-Woordveertjietrofee namens die lede van die Sentrum te ontvang.


© www.prolingua.org.za 2012-2017 ALL RIGHTS RESERVED